自從疫情後，我相信好多媽媽都一樣。
變到好煮得，變咗大廚師~
我就勉強合格啦~
同時間，我喺疫情期間終於成功鑽研到點樣整麵包。
呢樣嘢，真係一直都好考起我!!
我試過好多次嘅挫折，整咗多次石頭包...
而家大概掌握到，點樣為止係合格嘅麵團。
我一直都好想要麵包機，原因係我相信有麵包機嘅話就一定唔會失敗!
以及佢最吸引我嘅地方，就係可以預設時間焗麵包、方包。
但而家用廚師機幫我手搓麵團，都可以成功做到麵包。
麵包機我暫時就唔需要再考慮了啦~~
更多文章：【育兒記】疫情下的寶寶。戴口罩訓練
最近趁住放假，就同BB一齊親子落廚。
用廚師機搓好麵團，下一個步驟就交俾小助手幫我搓包。
佢都好有功架，好夠力水啦~
見唔見到呀，佢手瓜起腱㗎~
講到尾點解我成日咁想輕易自己整麵包，原因係妹妹好鍾意食麵包。
所以，我成日想自己整麵包俾佢食，感覺健康啲又真材實料啲嘛。
更多文章：【親子好去處】流動圖書車 - 「樂在社區閲繽紛─『喜』動圖書館」
材料:
高筋麵粉200g
快速乾酵母粉2g
細砂糖20g
鹽2g
無鹽奶油20g
水120ml (視乎麵粉吸水性程度而進行調節)
蛋漿適量
做法:
1. 高筋麵粉、快速乾酵母粉、細砂糖、鹽加入，再將水分數次加入。
2. 用廚師機攪拌約5分鐘後(不黏盤)，加入已室溫軟化嘅無鹽奶油，繼續攪拌10分鐘
3. 麵糰不黏手，再分割成8份。
4. 搓好圓形，靜止待發酵。
5. 天氣熱大概30分鐘就發酵完成，於麵包面上掃上適量蛋漿。
6. 焗爐預熱180°C，放入爐焗15分鐘，就完成了~
Facebook：https://www.facebook.com/80smami
Instagram：http://www.instagram.com/wagyubmami/
MeWe：https://mewe.com/p/和牛b的成長日記
